Bloggarar vaða á súðum vegna mótmælanna á Austurvelli í gær.  Sitt sýnist hverjum en þeir sem voru á staðnum vita náttúrulega að þorri þeirra sem þar voru sóttust ekki eftir því að taka þátt í skrílslátunum upp við alþingishúsið.

Margir bloggarar hafa séð sig knúna til að gera athugasemd við aðgerðir lögreglu og töldu þær óþarfar. 

Ég spyr þessa sömu menn að því hvernig þeir sjái samfélag okkar fyrir sér.  Vilja þeir lifa í reglulausu samfélagi þar sem þeir sterkustu lifa en hinir þurfa að víkja, eða vilja þeir lifa í líðræðisþjóðfélagi þar sem ákveðin mörk eru sett fyrir hegðun okkar og við ákveðum hvaða hegðun er ásættanleg og kvað er óásættanlegt.

Ég held að flestir vilji samfélag sem regla ríkir í og þess vegna vorum við að mótmæla því að okkur finnst að ráðamenn þjóðarinnar og fleiri hafi ekki farið eftir eðlilegum reglum samfélagins, hvorki skráðum né óskráðum.

Mótmælin voru ákall um reglu en samt eru sumir bloggarar að panta óreglu.  Ég verð að viðurkenna að ég skil þetta ekki.

Guð blessi ykkur.